داستان لدو به زبان تالشی
داستان لدو به زبان تالشی(۱):
لێدو داستان (۱) موسله‌روخونی تالݖشون زݖبون و کادوسه خه‌تی نه شݖمه خݖتمه‌ت ئادوئه‌مه🌺
ئه غه‌دیمنه سالون، چه‌مه خاسه تالݖش‌ئارا کو دݖ گݖله بݖرا مه‌ندینا کݖ چه‌ۏون نوم لێدو ئو مه‌مودا.
ئه‌ۏێن ئݖشته‌ن خوئه‌ر نه کݖ چې نوم زیبه‌را، گیرېه دا به گیلون مالداری ئو گیېه‌بونی که‌رین.
ئه ۏه‌ختون ۏیشته‌ری تالݖشێن مالداری که‌رین، سالی شیش ما، باهار و تاۏاسون مالون نه گیرېه مونین و شیش ما نی مین‌کو ئو گیلونی کو مونین.
لێدو ئو مه‌مود غه‌ېره‌زی مالداری، په‌له‌ۏونی کو نی خه‌ېلی نو‌م‌ئاۏازه دارین و نومشون به‌رېه‌ندا.
چه‌ۏون خالی زیبه‌ر نی خه‌ېلی پیلله دیل و زیره‌نگا. زیبه‌ر هݖنته چاکه له‌له ژه‌نی ېو خونی کݖ ئاده‌مون و مال و موله رو تازه که‌ری.
مالون ئاده‌ت که‌ردا زیبه‌ری له‌له سه‌س و ده‌خون‌ئاخونی نه سݖبون جه‌نگه‌ل بݖشین و شه‌ۏه‌سه‌ر سݖرا باېن.
ئه‌ۏێن ئی‌کافله بݖز و گوسه‌ند و گامال و ئه‌سب و مادون دارین.
ئی تاۏاسونه روزی کݖ هه‌مه گیرېه مه‌ندینا، لێدو ئو مه‌مود دݖبݖدی نه خݖراکی خونه باسکه‌مه رݖباری را شینه، زیبه‌ر تاکلیه ۏونه کو مه‌ندا.
هه داۏره تالݖشه کو به‌ندی ئه دیمی کا ئی کافله ده‌رامی دݖزدێن ېه‌ندی ئاله‌که‌ېنا، شه‌ۏه‌نده‌روز مه‌ردومی که ئو سݖرا ۏیتره‌کین و چه‌ۏون مال و موله ئو دار و نێداری پێتارین.
لێدو ئو مه‌مود هه‌لا رݖبار ئاره‌سه نینا کݖ ناخه‌ۏه‌ری ئی کافله ده‌رامی ئه‌سبه سݖۏاره دݖزدێن، لێدومون ۏونه‌سݖرا ۏیتره‌کینه.
ئیدامه دارݖ...
از: رمضان نیک‌نهاد
منبع: کادوس ماسوله‌رودخان
http://kados2.blogfa.com
برخی از شیوه‌نامه خط تالشی کادوس:
به جای فتحه/a/ ه
به جای کسره/e/ ێ
به جای واو/v/ ۏ
به جای شوا /ə/ ݖ
به جای یه/y/ ې
برای حروف (ت / ط) تنها از حرف (ت) استفاده می‌شود.
برای حروف (ث / س / ص) تنها از حرف (س) استفاده می‌شود.
برای حروف (ذ / ز / ظ / ض) تنها از حرف (ز) استفاده می‌شود.
برای حروف(ق/غ) تنها از حرف (غ) استفاده می‌شود.
برای حروف(ح/هــ) تنها از حرف (هــ) استفاده می‌شود.
هدف ما در این وبلاگ معرفی فرهنگ مردم تالش و آشنایی هم‌میهنان گرامی با جاذبه‌های گرشگری شمال کشور به ویژه گیلان و تالش است