ماسالیېه دەدە نەنە داستان کادوسه خه‌تی نه:☘

چݖمݖن نه‌نه هه‌میشه پیېا، باغی کو دەبی ېو کار بݖکەری. دونه کݖ کاری، ئەۏون ئݖشته‌ن خݖردەنون شیۏار غەم هەری دا پیل ئابون و شݖپ بݖکەرݖن.‌ کەرگ و کیجه نه نی خەېلی خݖشا.

چݖمݖن دەده ئو چێ سۊلۊکەت نێبی. چݖمݖن دەده گا ئو گوسەندی نه خݖشا. هەمیشه ۏای: ژێنەک، مەهەرز کەرگ و کیجه جیل ۏاشون پێبو ئو چݖمݖ مالون ناخوش ئاکەرݖ. ئݖمون مەجینه.
ۏەلی دەده دا خەۏەردار بݖبی، نەنه چەن کݖلݖشکݖن کیجه‌ۏەچه ئو ئوردەکه‌ۏەچه بەرۏەری ېو ۏیکەری سݖرا کو.
دەده هەراې ‌هەراې ئیزی ېو نەنه نه ۏاې: که‌خەراۏ نێبه، تݖ گیلەک و کەرگ‌پەرݖستیره. ئەز ئاخا تݖ کو چݖ کەریم!

مݖن چه‌ۏون هەر دݖ ره به‌رشه‌ېمه؛ هݖم گا ئو گوسەندی نه خݖشیمه، هݖم کەرگ و کیجه ئو باغ‌ئاۏدونی نه. بەما خەېف کݖ غوربەتی کو چوتاریمه و چݖمݖن ناجه‌ئێن ۏیشتەری کݖرا تیېێ تیېێ ئݖشته‌را ۏیۏەشنیئین؛ پاېیزه‌ ۏیگەردی خەرفه‌ دەلون شیۏار!
✍رمضان نیک‌نهاد