داستان فدا کاری معلم فداکار حسن امیدزاده به زبان تالشی (۱)
دورود چهمه نازهېنه بݖرۏرێن و خوئهرێن، روزرون خݖش🌹
شهفتی تالݖشه ئاموزگار، ههسهن ئومیدزاده(حسن امیدزاده)فیداکاری ېو سیېاۏهشون (۱):🔥💥🔥💥🔥💥
ۏیشتهری تالݖشی خݖردݖخال سهختی ېو کوریکهشێ نه ئاژیېهېنه ېو پیلل ئابهېنه، ههې را تالݖشی خݖردݖخال ههر جیگاې ئارهسݖ، چݖ ئهگه دوکتݖر و ئاموجهده ئو موههندݖس بوبو ېا دیېهر چاکه جݖگا ئارهسݖ، ههرگݖز ۏیرݖش نێبهرشو کݖ ئݖشتهن چݖده رۊکی کو سݖتهمه بهردهشه دا چاکه جݖگایی ئارهسه.
تالݖشی خهلک، ههته کݖ پیلله دیلینه، ههته نی ههمیشه سادهدیل و دیلسون بهېنه، مردۊمی خݖش دارن، سهختݖمه روزون و ههنگه ئو بهلا ۏیترهکێ ۏهختون، دیېهرون داد رهسێ را ئݖشتهن جانی فیدا کهرݖن. خݖدا را شݖکر، ئهمه ههمیشه تالݖشون دیله کا دیلسون و فیداېی ۏیېهر داشته، ئهگه خاسی چهمه تاریخی بوخونهم، ۏینهم کݖ چݖده پیلله فیداکار چهمه تالݖشئارا کو داشتهمونه، ئیگݖله ئه نومئاۏازه فیداکارێن، ههسهن ئومیدزاده ېه.
شهفتی تالݖشه موئهلیم، ههسهن ئومیدی دیلابهری ېو فیداکاری لوئه، ئی گݖله راستیېه پیشامهده، سهد سال و ههزار سال پیشی فیداکاری لوئه نی کݖ خاسی مهزونهم چݖنته تݖفاخ دهلهکه.
ههزار و سیسهد و ههفتاد و شیشی سالی زݖمݖسونی کو ههۏا، ۏییهر زیېهنگه ئو سهردا. ۏهر و تیفون و سوجه ۏا، مهردۊمی مݖتهرزی ۏوئهردا. چهمه شهفتی ئاموزݖش و پهرۏهرݖشی کو ههسهن ئومیدزاده، ئیگݖله مهدرهسه کو کهلاسی پینجون موئهلیما.
ههسهن خهېلی ئݖشتهن کار و دانݖشئاموجون نه خݖشا.
ههسهن نی ئیرونی ههزارون ئاموزگارون شار ناجه داری، چاکه ئاموجهدهې ئݖشتهن ۏݖلهتی خݖردهنون را بݖبی ېو ئݖشتهن چێمی نه چهۏون خݖشبهختی بݖۏینی.
ئه سهخته زݖمݖسونه روزی ههۏا خهېلی سهردا، ۏهختی مهدرهسه کو سݖبی ئهۏهلنه موندیئاکهره زهنگ گینه، هݖنته کݖ ههۏا سهردا، هیچ شاگݖردی نېیاشته کهلاسی کو سݖرا بهرشێ، شاگݖردێن ههمه نهته بوخاری داوْره گݖرد ئابهېنا.
ههسهن نی دهفتهری کو ئݖشتهن ههمکارون نه نݖشتا، کݖرا چاې ههری و موندی ئاکهری.
شاگݖردێن کݖرا ههۏا ۏیېهره سهردی خونه دهمێرین. کهلاسی نهته بوخاری خهراۏا، چێ گهرمی هیچ ئهۏون هالی نێکهری، ههې خونه بوخاری نهته دهرهجه دا ئاخݖر ئاکهردهشونا.
بوخاری تهنوره دیله نهت دهبه پور ئابه، ۏهختی بوخاری تهس گێته، بوخاری تهنوره ئو نهته جݖگا ناخهۏهری تݖرهکه ئو چێ گݖلهنده نهتی شهله تهمونی کهلاسی کو پێتاخیېه.
کهلاسی کو دۊ ئو ئاتهش ۏیگماریېا، ههمه جݖگا شهله کهری، هݖنته تاریک ئابا کݖ چێم، چێمی نێۏینی، نێبی، فهمێ کهلاسی بهر کا نوئه ئو بهرېه کا نوئه. سی تا رۊکه فݖرݖشته کیله ئه جهههندهمسݖرا ئاتهشی مینی کو زیندون بهېنا، هݖنته کݖ جݖروئه ئو زاهار کهرین، ۏاېن: ئاغا مودیر جان سیمونه، ئهمه را ئارهس، ئاغا موئهلیم جان، ئهمه را ئارهس.
ههسهنی دهفتهری کو ناخهۏری شاگݖردون جیکله سݖتا مهسه، ئݖشتهن جݖگا کو جیپهره، رو به خݖردون زاهار شه.
ههمه ئارهسینه، ۏیندݖشونه: بݖرامێې! کهلاسی پینجی مینی کو ئاتهش، گوله گوله، بهر و بهرېان کو بهرۏهزݖ، هیچکس نیېاری، ئاتهشی نێزیک شێ.
ههسهنی ۏختی خݖردهنون زاهاری مهسه کݖ ۏاېن: دێدێ جان سیمونه، سیمونه، ئاغا مودیر جان، ئهمه را ئارهس، سیمونه. ههسهن کݖرا تور ئابی، نێزونی، چݖ کاری بی بݖکهرݖ، ئی ۏهری ئݖشتهن مهردێ نێزیک ۏینی، ئهگه ئاتهشی دیله دهلهکی. ئی ۏهری سی گݖله ئݖشتهن خاسه شاگݖردون کݖ ئݖشتهن کیلان شار ئهۏون خݖش داری، ۏینی کݖ ئه جهههندهمسݖرا ئاتهشی کو کݖرا بݖرێېین، جݖزغاله ئابین. ئی ۏهری ئݖشتهن خݖردݖخالی ۏیرݖش ئالهکی کݖ ئهگه بݖمێرݖ، چهۏون کار بی چݖ بوبو.
ههسهن ئه چهن را مینی کا دهمهندا کݖ ناخوری ئݖشتهن را پێچیندݖشه. راهی نه کݖ زونی سهغه جانی نه جیۏهشتێ نێشا، راهی نه شه کݖ ههلهمهله ئادهمێن نیېارین، تێېه دهسی نه ئه را ئو بهریسی نه شێ.
ئیدامه دارݖ...
✍رمضان نیکنهاد
منبع: کادوس ماسولهرودخان
http://kados2.blogfa.com
برخی از شیوهنامه خط تالشی کادوس:
به جای فتحه/a/ ه
به جای کسره/e/ ێ
به جای واو/v/ ۏ
به جای شوا /ə/ ݖ
به جای یه/y/ ې
برای حروف (ت / ط) تنها از حرف (ت) استفاده میشود.
برای حروف (ث / س / ص) تنها از حرف (س) استفاده میشود.
برای حروف (ذ / ز / ظ / ض) تنها از حرف (ز) استفاده میشود.
برای حروف(ق/غ) تنها از حرف (غ) استفاده میشود.
برای حروف(ح/هــ) تنها از حرف (هــ) استفاده میشود.
هدف ما در این وبلاگ معرفی فرهنگ مردم تالش و آشنایی هممیهنان گرامی با جاذبههای گرشگری شمال کشور به ویژه گیلان و تالش است