چرا من که تالشم ریشه بر تیشه خود میزنم(۲)
چݖرا ئهزی کݖ تالݖشیمه تاشهې نه چݖمݖ ریشه دهبݖرݖم؟(۲)
چݖرا ئهز، چݖمݖ تازه دݖنېا دهلهکه خݖردهنی نومپێنوئێ را ههزارون خاسه نومی مینه کو گهردݖم، ئی بیۏهج و مهکروفه نومی چݖمݖ فݖرݖشته خݖردهنی سهر پێنهم کݖ پیلل ئابو، ئه نومی را خݖجالهت بݖکهشݖ. ۏختی فیلمون کو ئهرهبون ۏینݖم کݖ ئݖشتهن ئݖسپهکݖچی را خاسه نومی دهخونݖن، خݖجالهتی ئاۏ ئابوم.
چݖرا ههمیشه بهری سهری ۏاشی بوئاژه زونݖم، دیېهر ئێل و تهبارون بهروسݖرا ههر کیشیمینجیلی، چهمه تالݖشهسݖرائون تۊرکه کهرگ و سوکون کو بݖختهر زونݖم؟
چݖرا ئهز، ۏهختی کهسی ۏینݖم کݖ خاسی دارهپێشی فهندی ئاموتهشه ئو داری چینجیله کو نݖشته کݖرا میۏه چینݖ، مهرݖنجݖغ ئابوم، نێ دارهپێشی فهندی ئاموجݖم، نێ نی شیرنه زݖبونی نه ئهې کو میۏه خام، تهمونی چݖمݖن زوری نه داری دݖمݖک ژهنݖم دا ئهې داری کو بهرېهنݖم؟
چݖرا ئهز، چݖمݖن مهجازیېه رهسانه کو ههزار دهفا دیېهر غوم و تهبارون خاسه چیئون را تهبلیغ کهرݖم، ههته چی ئهۏون پیلل ئاکهرݖم بهما ئهۏێن ههرگݖز رۊکه تێلی چهمه تالݖشون خوبی کو نێنۏیسݖن، خیېال کهرݖم، کݖرا چݖمݖن ئازاتفیکری ئهۏون نݖشون دهم، خهبهر نێدارݖم کݖ ئهۏێن مݖن بیغݖېرهت زونݖن؟
چݖرا ئهز، ئهگه رۊکه کاره تێلی دیېهری را کهرݖم، ئهلبهلی گوشهداریمه، سهد ههده کاری خݖمنا مݖرا تهلافی بݖکهرݖ؟
چݖرا ئهز، ۏهختی ئیگݖله گیلهک و کݖرد و تݖرکی نه خام لوئه بݖکهرݖم، کهشک ئابوم، ئهۏون نه تݖرکی ئو گیلهکی ۏام، فیکر کهرݖم، ئهز خهېلی زیرهنگیمه و ئه پهخمه ېه؟
چݖرا ئهز، غهېری تالݖشی کݖ ۏینݖم، کݖرا ئهۏون را ئݖشتهن کݖشݖم و ههده چی خاکی بوم بهما تالݖشون کݖ ۏینݖم ئیگݖله ههشراتی شار پیمه ئهې ۏیجهرݖم؟
چݖرا ئهز، دیېهر ئێل و تهبارون شار، تالݖشی یاله ئوستادون، پیلل نێزونݖم، ههمیشه چێ چاکه کار و لوئه ناری تی دهکهرݖم؟
چݖرا ئهز، چݖمݖن کیشۏهری پیللهپیللان کو هیچی نێخام بهما ئهگه ئیگݖله تالݖش چهمه ۏݖلهتی کو چاکه جݖگائی ئارهسه بوبو، چێ پهههر کݖرا سونݖم، ۏیېهرهخازی نه کاری کهرݖم کݖ ناچار ئابو، تالݖشه شهری کو دهۏهزݖ.
چݖرا ئهز، چݖمݖ هونهر و دانیش و تهجروبه، مݖفته مهجازیېه رهسانه کو رۊکه تێلی تالݖشی خݖردݖخالی را نێنهم؟
چݖرا ئهز، ۏهختی ئیگݖله ههمکار و ۏهردس باېیسݖمه، بیکاره تالݖشون ۏیرݖم بهرشو، تهنخا پیمه، غهریبه ئادهمون نه کار بݖکهرم؟
چݖرا ۏهختی ئیگݖله تالݖش مݖن کاری سهر ئݖشتهن پهلو بهرݖ، غهدرزون کݖ نیمه ههلا هیچ، تهمونی چݖمݖن زوری نه کوکلا کهرݖم دا ئهې کاری کو بهرکهرݖم و ئݖشتهن بݖشوم چێ جیگا بیگێرݖم؟
چݖرا چݖمݖ شهری ههمساده کهئون کو هیچکهس نێزونݖ ئهز تالݖشیمه؟ شݖمه ۏاېهن، تݖرکێن نی چݖمݖن شارینه؟
چݖرا ئهز، ۏهختی ئی چیې خام بݖخݖرݖم ېا بݖخروشوم ېا ئوستائی دۊمله گهردݖم، ئهگه چݖمݖن ئیستݖفاده نی ئهگه مهبو، ههنی ۏیشته زور کهرݖم غهېری تالݖشی ۏهر بݖشوم ېا ۏهختی ئی گݖله تالݖش چݖمݖ ئوستا ېا کارهکهره یا ئهز چێ ئوستاېمه ئهې کو ۏیشته کار و مݖز خام ۏیگێرݖم، کاری کهرݖم کݖ هه ئی دهفا بوبو؟
چݖرا ئهز ۏهختی میمونی را خام خݖتمهت بݖکهرݖم، چݖمݖن خݖردݖخالی خام کاری نه ۏیکݖر بوئهرݖم، دێ هیچ چهۏون جانخݖشی دهربهند نیمه؟
دۊمله دارݖ...
✍: رمضان نیکنهاد
منبع: کادوس ماسولهرودخان
http://kados2.blogfa.com
برخی از شیوهنامه خط تالشی کادوس:
به جای فتحه/a/ ه
به جای کسره/e/ ێ
به جای واو/v/ ۏ
به جای شوا /ə/ ݖ
به جای یه/y/ ې
برای حروف (ت / ط) تنها از حرف (ت) استفاده میشود.
برای حروف (ث / س / ص) تنها از حرف (س) استفاده میشود.
برای حروف (ذ / ز / ظ / ض) تنها از حرف (ز) استفاده میشود.
برای حروف(ق/غ) تنها از حرف (غ) استفاده میشود.
برای حروف(ح/هــ) تنها از حرف (هــ) استفاده میشود.
هدف ما در این وبلاگ معرفی فرهنگ مردم تالش و آشنایی هممیهنان گرامی با جاذبههای گرشگری شمال کشور به ویژه گیلان و تالش است