پیله میرزای ایشته ، گیلونی جنگله  کوهو ن

 تالشونه بَه همراه  ، کوهونی  موسله رُخون

میرزاقشونی گِته، خیلی جا ی  تالشون

زیدق و دَشتی الیون ، پیله جنگلی ماکلون

میرزا رشتی کو، جمهوری کرده ایلون 

بلَه کَه چه  جمهوری  ، با قزاقو روسون

نفتی پیدافراوون  ، در همه وری ایرون  

خدا دوعه ثروتون ، چمی طمع خیلیون

چَه مَه تاج وتختون ، فرمونی دستی بیگون

  دایله سری نوکرون ، با حیل این گلیسون

قاجارون سیاه دوره  ، تالشی شاهی ملعون

 رضاخانی آلاشتون  ، گه تشه تاج وتختون   

تالشون با قجرون  دیلی اِسا خیلی  خون 

 دلی خوشون تالشون  ، قجری شاه بلکون

میرپنجی خیلی جاعون  پردو راهکارساتون 

 مشتش ناردَری بون ، زوری پیش بَریشون

ایرونی خیلی سالون ، پس دَلَک با  راه دَلَکون   

زوره  مِلاش کردون  قشونی پیش باسوادون  

دلش  بو خدمتی بون  ، مثالی آتا تورکی عثمون

  نشاتشه  به مثل چه ، با مشت ولِسو نیزون

رضا شاه قلدری ، خیلی  کسون بداومون 

 ای وری  مردمون  وری بیگونون

سالونی بعد هنی ، این گلیسی  حیلون   

قلدر شاه کنارون   زوعه نی کرده شاهون

نه زوری دَدَه  دارون ،نه چه ایرونی خشون  

 خش نیومه مردمون ،میدون به این گلیسون  

جونه شاه چندی سالون  ، گیرش کرد بینی راهون  

 یا خشی با ایرونون  ،  یا نِکهَری بیگونون

مصدقی ایشته از ملی یون ، غیرتی با مردمون   

صف کشه شونه جلو ،  شاه ومزور بیگونون

دنیا دِ عوض آبون  ،آمریکا نی  ناردلکون   

 خیلی جاعونش گته ، شاه را  راهی باز آبون

پناهی قدرتی آمری  ، پیله ژاندارمی  به خاورون   

دست روسو انگلیس ،از ایرون په سی  کردون

رعیت  ایته به راضون ،با اصلاحی اراضون

دست خانون کوتاه بون  ،از آزاری  زارعون 

خیالی باطلیش عه کارون   ، دوشه  عَی از مردم امون  

ایور سیاسی زندون  ، وری مردم فقیرون

خاصه ایرونی  خواین ببی  ، خیلی  چمه جوونون 

 پی آزادی واشته نون   سالون شینه  سیا زندون

همه مردم ایتا بینه ، دانشجو  ومعلمو  طلبون 

 فارس وکرد وتالشون  ، گیل وترک وبلوچون

ایرونی خواین ایرونون ، فرقی مبو مردمون   

همه  قانون حاکم بون ، همه قانون برابرون

دین  همه مردم درامون ، فقر ببو ریشه کون 

قشون ومردم یکون  ، ثروت ملی ونفت همگون

گوش شاه اِسا کرون ، از زاهار مردمون 

 شاه بَه تاکو حیرون ، سردرگمو پشیمون

روح الخمین رهبرون  ، مردمی کرده یکون 

 وحدت کلمی با همگون ،  شاه بکَرن سرنگون

شاه بَه بی کسون جهون  ، میلیون مردم درمیدون

شاه دِپا داری  دَوَشتون  ،امام اومه از پاریسون

بَه لَه کَه تخت وتاج  شاهون  ،شادی مردم فراوون   

اومه  جمهور اسلامون ،  دایله سری  با   فقیهون 

تالشون دل خواسون ، شاد بون همه اقوامی  ایرون   

د لشون تا ابد ازغرصه وغم ،   آزاد وباهم خشی بون  

   از : رمضان نیک نهاد