رسم و رسوم تالشها با خط تالشی کادوس
تالݖشون میمونیېه رهسم و رݖسوم، فومهنی تالݖشون زݖبون و کادوسه خهتی نه(۱): 🌺
۱-ههمیشه جݖگاې میمونی بݖشهم کݖ ئهمهشون سهلا ژهنده بوبو.
۲-سݖفره سهری کو ۏهختی خوههم، چیې بهههرهم، نهری ېو پݖش مهنݖشهم، خاسی راست بݖنݖشهم.
۳-چهمه میمونیېون کو ئهگه شاېهم، پهته گوشتی خاشی نه سݖفره سهر مهنیېهم.
۴-چهمه خوروشه تاسی گوشتی ئهگه خاش داشته، دا جݖگاې کݖ شاېهم، خاشدارهگوشتی دهس و چهنگال و گازی نه خاشجیۏهج مهکهرهم، ئه گوشتی پیگێرهم کݖ خاش نێدارݖ.
۵-پݖلا موچه بی دهنی را بݖشو، دهن بی پݖلا موچه را مهشو.
۶-پݖلا موچه ېا خݖراکه مݖشته بی چهمه دهنی خݖمنا پیگێرهم دا ئی دهفا دهنی کو دهشو ئو ناچار مهبهم، گازی نه لݖغمه پهلپهل بݖکهرهم.
۷-پݖلا مݖشتهې کݖ دهنی کو دهنیېهم، ئهگه ئهمه خݖش نێئومه، بی ئهې بهههرهم، دهنی کو لݖغمه مهئاگاردݖنهم.
۸-ئهگه پݖلاموچه داغ به، دهنی کو مهئاگاردݖنهم، ئاۏه تێې چێ سهری کو بݖخݖنجهم.
۹-پݖلا موچه کݖ خوههم بݖجوئهم، دهنی مهئاکهرهم و مهچه سݖتا نی مهدیېهم، دهن کݖ پوره لوئه مهکهرهم و پوره دهنی نه ئاۏ مهخݖنجهم.
۱۰- سݖفره سهری کو چهمه ئهنگیشتون مهئالیسهم، کاغهزه دهسمالی نه دهسی پاکېه ئاکهرهم.
۱۱- پݖلاههری را ناری ئه میمونی بی دهس به ههردێ بݖژهنݖ کݖ میمونداری نه کهمته فامیله، چێ به دۊم دیېهر میمونێن. میموندار بی ههمهې دۊمله دهس به ههردݖ بݖژهنݖ ئو ههمهې دۊمله سݖفره کو بیزݖ.
۱۲- ئهگه پݖلا، پیلله لهنگهری ېو دیس و مهجمهې کو دهبه، ناری ئهگه مێردهکی پݖلا دیسی پیگێته، چێ رݖخی ئهگه ژێنهکی نݖشته به، ئهې تارݖف بݖکهرݖ.
۱۳- ئهگه پݖلا خوروشی کݖ پهتهشونه، خݖش نێداری، میمونداری زهمهت و ئیتݖرومی خونه رۊکه تێلی بهههرهم.
۱۴- پݖلاههری به دۊم دیېهرون رݖخی کا چهمه گازی چوجیخا مهکهرهم.
۱۵- چهمه دهنی کهچه نه خوروشه تاسی کو خوروش مهپیگێرهم دا نیمهههر مهبو.
ئیدامه دارݖ...
✍: رمضاننیکنهاد
منبع: کادوس ماسولهرودخان
http://kados2.blogfa.com
برخی از شیوهنامه خط تالشی کادوس:
به جای فتحه/a/ ه
به جای کسره/e/ ێ
به جای واو/v/ ۏ
به جای شوا /ə/ ݖ
به جای یه/y/ ې
برای حروف (ت / ط) تنها از حرف (ت) استفاده میشود.
برای حروف (ث / س / ص) تنها از حرف (س) استفاده میشود.
برای حروف (ذ / ز / ظ / ض) تنها از حرف (ز) استفاده میشود.
برای حروف(ق/غ) تنها از حرف (غ) استفاده میشود.
برای حروف(ح/هــ) تنها از حرف (هــ) استفاده میشود.
هدف ما در این وبلاگ معرفی فرهنگ مردم تالش و آشنایی هممیهنان گرامی با جاذبههای گرشگری شمال کشور به ویژه گیلان و تالش است